اشعار عراقيه 2012

السلام عليكم


روح ابتعد اتركني لو يرضيك
سوي ألـتريده بعد ما اجبرك



تحس نفسك قوي لو مرة ألك حنيت
وبعد تقسه علي لو كَتلك ارحمني


اكَلك هذ جرحي بيدك ايطيب
وادري ما يطيب أدريك تلجمني


كافي بعد من حقي لو مليت
لا ترضه افهمك ولا انته تفهمني


اصبر روحي ألك وهي تكَلي تهون
وكَل لـ كَلبي يحبك وادري متحبني


جم مره ابعدت وعنك بعدت الروح
شما ابعدهة ترجع واني تتركني


صرت لانه بسمه ولا واكَف اعله الكَاع
وصرت ما تجرح جرح يوميه تجرحني


وألجم بالجرح ما اريده يطيب
خاف انساك لحظه جرحك يذكرني


مو حاله ضعف لك انه اهز الكون
بس هزني حبك واعترف دمرني


ماردت اسلمك وانحنيلك يوم
الذنب كَلبي هو ألك سلمني


منطيت لزمه من صرت لليوم
نار هسه ويحتركَ أليريد يلزمني


لو صرت الهوى لتظن اشمك يوم
ليش اني ألـ أشمك وانته متشمني


وليش اعيش وياك راسي ما مرفوع
انه ذليت الوكت مو انته ألـذلني


لتصدك بعد ارجع واكَول اهواك
هواك تراب صار وحيل يخنكَني


حبيتك صدك و روحي ماتت بيك
روحي ألحبتك أشلعهة مني


هاك روحي منها انه تبريت
مليت منها وهي ملتني


ادري تفرح وتنتظر هذا اليوم
هذا اليوم أجاك افرح ولك غني


مناك هذا اليوم بعد شتريد
جيب أليهلهل وبجفوفك يحني


ما اندم لأن حبيتك بيوم
حبي ألك هواي دروس علمني

شكرا باين سما وانه قد حفضت ابوذيه لستار اللامي الرائع يقول
"الك شفتين تكتل ولعني
واحس بنار جنهن ولعني
شمالني امسودن واكلك ولي عني
لوشارب نفط وجنون بيه"

شكرا على شعر انه حقا رائع

شكرا باين سما على الشعر وقد حفضت شعرا يقول
لا تعتب علي من حقي لو مليت
منو ابكدي احتمل وابضلعه بسمارك
منو الجرحه على طوله وانته دربك سيف وامتاعك ملح وايكمله مشوارك
بردا غطته وضل خايف ابراهيم
وانه بطرك الجلد واتحملت نارك
كادوني بحبل واعيوني معصوبات ماطلعو حرف من خزنة اسرارك
********** شكرا *********
************
******
***
**
*